Отворено архитектонското биенале во Чикаго

Во текот на мината недела, официјално започна архитектонското биенале во Чикаго, коешто ќе биде отворено за посетители во текот на наредните неколку месеци. Кураторите на биеналето Joseph Grima и Sarah Herda ги разгледаа проектите и дизајните на повеќе од 500 архитекти од целиот свет, за да на крај бидат селектирани околу 100 проекти на претставници од 30 земји во светот. Биеналето насловено „The State of the Art of rchitecture“, има за цел да ги истакне формите и стратегиите на градбата, и да се назначи улогата на архитектот во целиот процес. За сите оние што планираат да го посетат Чикаго во наредните неколку месеци, треба да ги посетат Културниот центар во Чикаго, Милениумскиот парк, Stony Island Art Bank, Фондацијата Graham и галеријата Water Tower каде што се изложени експонатите.