Отворена изложба во Виена посветена на хрватската архитектура

Интересна изложба е отворена пред австриската и меѓународната јавност, која ги претставува вредните дела од хрватското наследство и критички го проучува односот на туристичката архитектура, просторот и општеството.

Во културниот центар Architekturzentrum во Виена, посветен на архитектурата и урбанизмот, штотуку е поставена изложбата „Одморите по Падот“, која го испитува туризмот во социјализмот и трансформацијата на хотелската архитектура на јадранскиот брег на Хрватска.

Претставени се некои од најуспешните примери на модернистичката туристичка архитектура во Хрватска во шеесеттите и седумдесеттите години на минатиот век.

Кустос на изложбата е австрискиот архитект Мајкл Зинганел, а еден од спонзорите е Valamar Riviera, водечка хрватска туристичка компанија.