Порта3 – градежништво, архитектура и екологија Порта3 – градежништво, архитектура и екологија
Фудбалот е тимски спорт во кој победуваат Германците. Затоа е логично да имаат и музеј посветен на своите фудбалери, тимови и на репрезентацијата.
Во центарот на Дортмунд, непосредно во близина на главната железничка станица, неодамна се отвори Музејот на германскиот фудбал, чиј проект е потпишан од страна на архитектонското биро HPP.
На 7.700 м2 се простира музејскиот простор кој слави 140 години долга традиција на овој спорт во Германија.
Богатата интерактивна изложба е спакувана во модерен ентериер кој јасно ги води посетителите на музејот подлабоко да истражуваат.
Веќе на фасадата може да се види јасна порака дека фудбалот е омилен спорт во Германија. Фудбалските мотиви се презентирани на перфорирана алуминиумска фасада, која е позадински осветлена со анимирани LED светла, пишува ArchDaily.
Внатрешноста е поделена на изложбен дел и подиум што служи како простор за прием и како врска со останатите делови од музејот.
