Откриено пропуштање на „Северен ток 2“ во данските води од Балтичко море

Во данските води на Балтичкото море е откриено пропуштање на гас од гасоводот „Северен ток 2“. После првите извештаи за пропуштањето, до кое дошло на 26-ти септември 2022, данската Агенција за поморски сообраќај објавила предупредување за бродовите и воспоставила зона на забрана за пловидба на околу 5 наутички милји околу тоа подрачје.

Прелиминарните проценки зборуваат дека до пропуштањето дошло на едниот од двата цевководи во данските територијални води. Истовремено, другите надлежни тела од Данска предупредиле дека опасности не може да се очекуваат надвор од забранетата зона за пловидба, објавила Енергетската агенција (ENS).