Порта3 – градежништво, архитектура и екологија Порта3 – градежништво, архитектура и екологија
Од општина Центар соопштуваат дека овластен градежен инспектор на општината со полициска придружба денеска затворил нелегално градилиште во населбата Кале, откако во текот на вчерашниот ден е донесено решение за отстранување на повеќе градби – потпорни ѕидови; оградни ѕидови; помошни објекти и доградба.
На инвеститорот на градбата од страна на општината му било наложено веднаш да престане со градење и да ги отстрани дивоградбите. Откако тој не постапил по налогот, овластениот градежен инспектор го затворил градилиштето.
Инвеститорот гради огромна градба без никаква документација и на незаконски начин, со што зафаќа дел и од строго заштитената зона за градење, односно тврдината Кале.
Општина Центар вели дека ја продолжува борбата со незаконските градби, а овластените општински инспектори ќе продолжат да постапуваат по решенијата за нелегално градење и во наредниот период.
