Opera Penthouse

Opera Penthouse е луксузен дом, кој се наоѓа на 31 кат на станбен комплекс лоциран во Нетанија во Израел. Овој прекрасно декориран двоетажен ентериер е дело на архитектонското биро Domb Architects, и е опремен целосно со елегантна линија на мебел и декорации, потпишани од страна на познатиот италијански дизајнер Џорџо Армани – Armani Home.

Од ентериерот се нуди прекрасен поглед на синиот хоризонт каде што се сретнува небото и тиркизното Средоземно Море.

Кујната, трпезаријата, салонот и дневната соба се меѓусебно поврзани и се формира голем континуиран социјален простор. Спалната соба и гардеробата се сместени во приватниот дел од станот и свртени се на исток. Луксузно опремената дневна соба на сопствениците им нуди можност да уживаат во погледот на целиот град и морето.