Порта3 – градежништво, архитектура и екологија Порта3 – градежништво, архитектура и екологија
True&Co е онлајн продавница која од сега им нуди можност на своите клиенти ширум САД навистина да ги пробуваат производите пред да ги нарачуваат и купат.
Мобилната продавница Try-on-Truck (во слободен превод: Пробај во камион) има за цел да се отстранат сомнежите за кредибилитетот на онлајн продавница која има се поголем број на клиенти.
На тој начин, клиентите ќе можат да се уверат дека производите се реални и безбедни, и ќе можат да ја искористат можноста да ги испробаат пред да ги купат.
Компанијата Try-on-Truck, која е основана во 2012 година, стана позната по своите онлајн квизови кои им помагаат на жените да си го одредат нивниот идеален тип на градник. Со воведувањето на мобилната офлајн продавница, услугата е дополнително зајакната, бидејќи на клиентите им помагаат и лични асистенти на компанијата.
За дизајнирање на овие номадски кабини биле ангажирани две студија, SAW i MOA, кои веќе работеле на проекти од мобилната архитектура, пишува Dezeen.
Продавницата Try-on-Truck е поставена на седум метри долга и 2,4 метри широка приколка, која првично била наменета за мобилни куќи со мали димензии. Куќиштето и рамката на продавницата се изведени од челик, додека останатиот дел од фасадата е направен во дрво и стакло.
Мобилната продавница има четири кабини, продажен пулт и простор за седење на клиентите додека го разгледуваат широкиот спектар на долна облека.
Панелите се претежно флексибилни, со цел продавницата да се приспособи на условите на локациите, како и временските услови.
Мобилната продавница Try-on-Truck дебитираше во Денвер, а после тоа ги посети сите градови во Калифорнија, вклучувајќи ги Лос Анџелес и Сан Франциско.
Во моментов е на турнеја во други делови на Америка.
