Охрабрувачки вести – царски пингвини сепак има повеќе

Британските научници потврдија дека колониите на царски пингвини на Антарктикот се побројни од што сметале. Убавите вести доаѓаат на основа на сателитски снимки.

Научниците од Британскиот антарктички истражувачки центар, новите бројки ги објавиле во нова студија.

Пребројале 61. колонија на царски пингвини, 11 повеќе од она што се сметало дека ги има.

До вакви охрабрувачки резултати, изтражувачите дошле со помош на снимки од Европскиот Сентинел-2 сателит, кој се користи за снимање промени на ледот.

Инаку, царскиот пингвин се пари и населува во зафрлени предели, каде температурата може да достигне и минус 50 степени Целзијусови.

Географот и еден од авторите на студијата, Питер Фритвел, новите податоци ги дефинирал како добра вест, но сепак додал дека новите колонии пингвини и натаму се мали по број на единки.

Експертите предупредуваат, дека поради глобалното загревање, до крајот на 21. век, бројот на пингвини може да се намали за дури 30 отсто.