Одржливост, наука и луксуз на крузерот MS Roald Amundsen

Скандинавски дизајн, моторот Rolls Royce, пространи апартмани и интригантни научни активности се само некои од деталите на новиот брод, MS Roald Amundsen…

Норвешката компанија Hurtigruten сака да направи разлика во индустријата на крстарење со воведување на својот нов хибриден брод, крузерот MS Roald Amundsen – првиот во светот кој користи батерии, заедно со дизел со ниска содржина на сулфур како свој погон.

Roald Amundsen моментално плови по брегот на Чиле за време на својата експедиција на Антарктикот, со 450 патници на палубата, со надеж дека оваа авантура ќе ги инспирира останатите членови на наутичката индустрија и ќе ги натера да размислуваат и да направат измени во своите дизајни и прашањето за одржливост.

Волшебниот брод MS Roald Amundsen е создаден со најдобрите детали на класичниот скандинавски дизајн на сите свои единаесет палуби и 265 кабини. Акценти од дрво од бреза, камени плочки и удобни минималистички парчиња мебел, избрани од шведското студио Tillberg Design, се вградени во пространи соби и апартмани, додека бањите се со загреани подови и пространи прозорци.

Во атриумот, гостите ќе ги поздрави масивниот седумкатен LED екран, кој ќе прикажува слики од експедициите на Hurtigruten.

Седумстотини оригинални слики раштркани се низ целиот брод, а избрани се лично од кралицата на Норвешка, во соработка со нејзината Фондација за млади уметници.

Во самото јадро на овој брод се наоѓа научен центар, односно високо-технолошки простор, каде што научниците одржуваат предавања и ја проучуваат водата на Антарктикот, како и примероци од планктони, заедно со гостите.

Проектираниот дизајн на овој брод не е чисто естетски дизајниран, туку е  и дел од иницијативата за самоодржливост. Покрај револуционерните хибридни батерии, кои ги намалуваат емисиите на јаглерод-диоксид за околу дваесет отсто, овој брод има екстериер што ги пресекува брановите без многу мака, а тој е дело на Espen Oin, еден од најпознатите наутички дизајнери во светот.

За ладење на моторот Rolls Royce се користи вода, кој на тој начин се загрева и се користи за хигиенски потреби, џакузи, сауни и базен.

Hurtigruten е исто така првиот крузер кој забранува употреба на пластични производи за еднократна употреба, така што гостите во своите соби ќе најдат варијанти за дополнување и шишиња од алуминиум, кои што можат да ги понесат со себе за време на екскурзиите. Според извештаите, овој бренд планира да ја освежи целата своја флота со ист, чист и модерен дизајн, со одржливи елементи, до крајот на 2021. година.