Одмаралиштето Southern Dunes во Саудиска Арабија на Foster + Partners

Сместено во Умлуј во близина на брегот на Црвеното Море, Southern Dunes е ново луксузно одморалиште кое треба да стане нова дестинација за светските туристи. Проектот е прослава на неверојатниот пустински пејзаж на Саудиска Арабија и ги следи највисоките еколошки стандарди за одржливост во обид да се зачува, заштити и подобри неверојатната природна биолошка разновидност на регионот за генерациите што доаѓаат.

Поголемиот мастерплан за специјалната економска зона вклучува меѓународен аеродром и неколку објекти на островот, вклучително и Coral Bloom на островот Shura – главниот остров за развој на крајбрежјето.

Сместено во спектакуларен амбиент, каде дините се спојуваат со планините, влезот во Southern Dunes, проект на Foster + Partners е означен со препознатлива крошна во облик на цвет, сокривајќи бујна оаза. Засадено со локални видови флора, природно го лади просторот и ги подобрува неговите еколошки квалитети.

Лесните ливчиња испреплетени со мрежа од јажиња пружаат простор за добредојде и многу други погодности опкружени со панорамски погледи на планините и пустината. Луксузните хотелски соби се лоцирани кон долината што го одзема здивот и се отвораат со спектакуларни погледи на планините.

Southern Dunes, исто така, има 40 планински вили, внимателно поставени на локацијата, со лесни кровни форми инспирирани од брановидните песочни дини и традиционалните шатори. Вилите ја почитуваат топографијата на теренот, нивните флуидни покривни структури се спојуваат со песокот и бојата на локацијата. Одморалиштето вклучува ексклузивни погодности, како што се спа центар, базен и специјализирани ресторани, кои се посветени на залагање за локалните занаети, кујни и традиции.

Спа центарот нуди широк спектар на традиционални третмани, со спокоен поглед на блиската долина и планините позади. Областа на базенот создава оаза за гостите, заштитувајќи ги од силна сончева светлина и обезбедувајќи спектакуларен поглед на песочните дини. Специјалните ресторани се сместени на највисоката точка на локацијата, за да се јаде на прекрасното зајдисонце.

Структурите се внимателно планирани и распоредени за да се минимизира влијанието врз животната средина. Партерното уредувањето е исто така чувствително проектирано, за да се задржи и подобри оригиналниот карактер на областа.