Од први јануари либерлизација и во категоријата домаќинства

Граѓаните имаат уште неполни три месеци за размислување пред да одлучат кој ќе ги снабдува со електрична енергија од 1 јануари идната година, кога и домаќинствата излегуваат на слободниот пазар на енергија. Последниот рок за избор на снабдувач за 630.000 домаќинства е 15 ноември, до кога граѓаните треба да имаат потпишани договори со компанијата што ја избрале да ги снабдува со електрична енергија.

Граѓаните можат да го изберат за свој снабдувач ЕВН, како и досега или пак некој од лиценцираните снабдувачи со електрична енергија во земјава. Листата ја има на веб-сајтот на Регулаторната комисија за енергетика.