Од град Скопје тврдат дека не се интервенира врз фасадата на ГТЦ

По реакциите на дел од граѓаните, вчера вечер беше направена инспекциска контрола на градежните активности во паркот „Жена борец“.

Утрово од страна на град Скопје е доставена официјална информација и потврда за работата која од синоќа е започната во паркот.

Официјално, станува збор за партерно уредување на паркот под надлежност на град Скопје. Од градот тврдат дека не се работи за никаква интервенција на фасадата на ГТЦ.

Општината и натаму ќе ги следи градежните активности во паркот и благовремено ќе реагира доколку се започне со било какви сомнителни градежни активности.