Обреновац доби спортска сала со современ дизајн

Српскиот архитект Јован Митровиќ проектираше спортска сала во современ дизајн, којашто треба да служи на учениците од основно училиште во Обреновац.

Локални урбанисти претходно го направиле планот за дворот на училиштето којшто доминира на целата локација и истовремено е опкружен со голем број историски објекти. Иако претходно постоечкиот план предвидува надземно игралиште, Митровиќ предложил решение каде што 2/3 од објектот се наоѓаат подземно: спортската сала, салите за балет и гимнастика, складишта, техничките простории, гардеробите, тоалетите и просториите за персоналот. Притоа близината на реката Сава отворила голем број технички проблеми при изградбата, кои биле решени без проблем со поставување на водоотпорен бетон.

Надземната конструкција е стаклена и фасадно покриена со дрвени летви.