Облакодери во Ванкувер како вазни

За Ванкувер во Канада предвидени се две кули со необичен изглед. Тие се карактеризираат со конвексни балкони на аглите, кои претежно се полни со зеленило во долниот дел. Поширокиот дел во форма на подиум се стеснува нагоре каде што зградата повторно се отвора, во поголема мера во форма на „вазна“. Благодарение на дизајнот на фасадата, станбените облакодери ќе бидат исполнети со природна светлина. Во долниот поширок дел ќе има комерцијални објекти и јавно достапен плоштад.

Проектот е направен од британската архитектонска фирма Heatherwick Studio, која неодамна се фокусираше на биофиличен дизајн. Соодветно на тоа, балконот, терасите и нишите ќе бидат исполнети со растенија што ќе им дадат посебен печат на овие висококатници со невообичаена форма. Maggie’s Center во Велика Британија и облакодер во Сингапур со балкони исполнети со растенија се исто така проекти кои го следат гореспоменатиот иновативен начин и пристап кон дизајнирање на местата каде што живееме.

Планирано е да се изградат две станбени кули, една од 30 ката висока 117 метри на исток и една од 34 ката висока 105 метри на запад, кои ќе бидат сместени на подиумот на пет ката. Во рамките на нив ќе има 401 стан, градинка и доволно места за паркирање за над 500 велосипеди.

Ова не е единствениот проект што Ванкувер го очекува во блиска иднина. Кенго Кума гради 43-катна станбена зграда наречена „Алберни“, која се очекува да заврши оваа година. Шигеру Бан работи на 71-катниот проект „Terrace House“ , кој ќе се карактеризира со хибридна конструкција – комбинирање на дрво и стакло околу бетонско јадро.