Објавен огласот за субвенции за вградени ПВЦ и алуминиумски прозорци

Министерството за економија го објави Јавниот оглас за надоместување на дел од трошоците за купување и вградување на ПВЦ или алуминиумски прозорци во домаќинствата за 2018-та година. Граѓаните ќе можат да добијат субвенции во висина од 50% од вредноста на инвестицијата в оваа енергетски ефикасна мерка, но не повеќе од 500 евра во апсолутна вредност. Право да аплицираат на овој оглас имаат сите оние кои ќе вложат во ваква инвестиција, од денот на објавувањето на огласот до 31- ви август 2018.