Nubeluz – бар со најдобар поглед на Менхетн

На 50. кат на легендарниот Ritz Carlton Nomad во Њујорк барот Nubeluz нуди единствен поглед на Менхетн и го редефинира искуството на фина гастрономија на најпрефинет начин.

Од секој агол, овој бар на покривот ги буди сите сетила на гостите, особено кога денот отстапува место на ноќта и светлата на градот се палат. Ентериерот го носи потписот на бирото Martin Brudnizki Design Studio, благодарение на кое е опфатено сè што ја дефинира њујоршката естетика: луксуз, иновативност, гламур.

Nubeluz е замисла на познатиот готвач José Andrés, кој доаѓа од Шпанија и Америка. Всушност, вреди да се напомене дека името на овој коктел бар е комбинација од шпанските зборови за облак (nube) и светло (luz).

Што се однесува до уредувањето на ентериерот, доволен е брз поглед за да се сфати дека целиот амбиент се однесува на златното доба, полно со гламур и луксуз. Нијансите се темни, целосно модерни и одговараат на атмосферата на просторот, додека димензијата и сјајот се постигнати благодарение на златните детали, осветлените мермерни површини, како и огледалата кои ги облекуваат ѕидовите и столбовите .

Прекрасно топло осветлување, свеќи и кадифени текстури создаваат единствена атмосфера, давајќи му на посетителот чувство дека се наоѓа во ултра луксузно одморалиште или дури и во палата од друг век. Богатите нијанси на сина, розова и бордо, особено тапетите и сатенските завеси даваат дополнителни поени на импресивниот конечен резултат.

„На ентериерите е применет чист и рационализиран пристап, со смели, органски форми“, вели Martin Brudnizki.

Барот има 132 места, вклучувајќи го и шанкот, додека двете тераси имаат по 12 и 20 места, со поглед на градот од 270 степени. Кога времето дозволува, гостите имаат можност да уживаат во пијалоци и храна на отворено, целосно чувствувајќи го пулсот на Њујорк. Дури и од внатрешноста на барот, гостите можат да се изгубат во непречен поглед на светлата кои импресионираат.

Што се однесува до вкусoвите, свечените пијалоци го носат потписот на коктел иноваторот Miguel Lancha. Ако се најдете таму и успеете да го остварите вашето патување од соништата, не пропуштајте да се препуштите на врвната префинета храна, да пробате нешто од богатото мени кое вклучува остриги, шишарки со крем сирење, црн сусам, суво месо, сирења или кавијар.

Опојните ароми и уникатните вкусови, вибрациите и атмосферата на гламур што ја зрачи, како и фантастичната локација свртена кон хоризонтот, ги тераат сите светла на Менхетен да се свртат кон коктел барот Nubeluz, кој оправдано се претвори во едно од најпопуларните места во Њујорк.