Новото електрично Renault Twingo ќе се произведува во Словенија, со цена под 20.000 евра

На крајот на 2023 година, Renault го најави новото Twingo, како целосно инспириран од поригиналниот дизајн на овој автомобил. Неговата основна цена би требало да биде под 20.000 евра. И покрај преговорите за развој на овој модел со  електричен модел со Volkswagen, сепак францускиот производител се одлучил за соработка со засега неименувана кинеска компанија.

Со словенечката влада веќе е потпишан Меморандум за разбирање, а производството ќе започне во 2026 година во постоечката фабрика на Renault во Ново Место во Словенија. Првата цел е производство на 150.000 примероци годишно. Во оваа фабрика сега се произведува Renault Clio.