Новоотворен шопинг мол во Мексико Сити се сруши поради конструктивна грешка

Шопинг центарот Artz Pedregal во Мексико Сити, се сруши за момент и во целост, најверојатно како резутат на конструктивна грешка. Целата градба се претвора во облак од пепел, стакло и метал за неколку моменти. Делови од објектот паднале на блискиот автопат, кој за среќа во моментот бил затворен за сообраќај.

Изградбата на овој мол ја прателе низа контроверзи уште од самиот почеток. Бил изграден во близина на базен за собирање на дождовница, а од друга страна јавното мислење било против проектот бидејќи зафаќал важен јавен простор. Надлежните сега ги испитуваат причините за колапсот, а неофицијално меѓу причините за несреќата се споменуваат и неповолните механички свсјтва на тлото во областа. Мексико Сити веќе има репутација по однос на неквалитетна градба на релативно неповолно подрачје за градење, не само по однос на геомеханиката, туку особено поради фактот што се работи за подрачје подложно на земјотреси. Сепак, инвеститорите во потрага по брза заработувачка, не се осврнуваат многу на овие проблем, а очигледно затаиле и контролите.

MCmall1