Новогодишни украси што треба да ги избегнувате во вашиот дом

Експертите за ентериер нагласуваат: Овие украси не придонесуваат на празничната магија!

Одбројувањето до новогодишните и божиќните празници започна, остануваат неколку недели до омилениот празник на сите генерации. Во домовите, излегуваат кутиите со украси, кои ја најавуваат сезоната на украсување.

Иако секоја куќа има свој стил кога станува збор за декорацијата, експертите за уредување ентериери предупредуваат дека некои украси може да ја расипат естетиката на просторот. Дали сте подготвени да ја прегледате вашата колекција и да ги елиминирате деталите што не се во согласност со модерните трендови?

Доколку се уште не сте го уредиле домот, ова е можност да избегнете удекоративни „грешки“ и да внесете софистицирана празнична атмосфера. Еве кои украси не треба да бидат дел од вашиот ентериер оваа година:

1. Големи црвени и зелени површини

Црвената боја е симбол на Божиќ, но преголемата употреба, особено во комбинација со зелената, може да создаде визуелен хаос. Ако сакате да ја задржите црвената боја како доминантна боја, експертите препорачуваат да ја балансирате со неутрални тонови како златна, сребрена, бела или бакарна.

2. Шарени светилки

Иако шарените светилки имаат свои обожаватели, нивната прекумерна употреба често доведува до кич ефект. За поелегантен изглед на просторот, изберете бели светилки со топла светлина – тие совршено ќе ја осветлат дневната соба, трпезаријата или ходникот, создавајќи пријатна и хармонична атмосфера.

3. Пластични венци, налепници за прозорци и детски фигури

Овие украси можеби се симпатични, но не придонесуваат за софистицирана естетика на домот. Децата ги сакаат, но ако сакате вашиот ентериер да зрачи со стил, придржувајте се до поедноставни решенија кои нема да го преоптоварат просторот.

4. Големи вештачки новогодишни елки

Природна елка, иако помала, остава многу посилен впечаток од големата вештачка. Експертите советуваат да се инвестира во квалитет, а не во големина. Природната елка внесува топлина и автентичност во просторот, создавајќи празничен дух кој ниту една пластична верзија не може да го замени.

Празничничната декорација треба да одразуваат хармонија и елеганција. Изберете украси со мерка и дозволете вашиот дом да блесне во вистинското светло, со модерен и софистициран изглед.