Новиот компактен SUV на Renault, ќе се вика Symbioz

Компанијата Renault, официјално го откри името на својот нов компактен семеен SUV, а тоа е Symbioz. Ова име е одраз на новиот дизајнерски правец на марката, додека самиот модел ги спојува напредната внатрешност и штедливиот мотор E-Tech full hybrid 145. Потврдено е дека Symbioz ќе биде претставен напролет. Symbioz (франсуски – symbiose, изведено од страрогрчкиот збор symbiosis) значи соживот, вредност која е длабоко вктаена во слоганот на брендот  „возила за живот“ (voitures à vivre).

Symbioz е долг 4,41 метар, и е најкомпактниот хибрид во понудата на овој бренд во C – сегментот. Има панорамски стаклен покрив Solarbay од новата генерација, кој употребува технологија на течни кристали врз полимери (PDLC) а моторот E-Tech full hybrid 145 во возило кое има намалена маса, значително ја намалува и потрошувачката на гориво.