Новиот филм „The Architect“ – сатира за професијата преку егоцентричниот протагонист

Филмот„The Architect“ во режија на Џонатан Паркер, жанровски може да се смести помеѓу драма и комедија. Се работи за хумористичен и сатиричен осврт на професијата архитект. Во филмот, егоцентричниот и голем архитект по име Miles Moss, работи со една двојка која сака да го изгради својот дом од соништата. На крајот од филмот клиентите се на работ од трпението и нервите, но и со исцрпени банкарски сметки. Во една од сцените Moss се жали „не знам зошто луѓето најмуваат архитекти, а потоа им кажуваат на архитектите што да прават“, алудирајќи на познатиот цитат на канадскиот архитект Frank Gehry.

Но, филмот не ја портретира само егоцентричноста, туку и широката хумана димензија на професијата, особено преку следната реплика на главниот јунак: „Како архитект, мојата работа е да ги трансформирам желбите и соништата во (од) дрво, челик и бетон“.