Новиот дом на Новак Ѓоковиќ со поглед на Атлантикот вреди 8,9 милиони долари

Еден од најдобрите светски тенисери Новак Ѓоковиќ, неодамна купи луксузен апартман во елитниот комплекс Eighty Seven Park во Мајами. За раскошниот нов дом со неверојатен ентериер и поглед на Атланскиот Океан, тенисерт одвоил 8,9 милиони долари. Во склад со неговата посветеност на екологијата, одржливиот и вегански начин на живот, домот на Новак целиот е во стакло со прозорци од подот до таванот. Подовите се од бел даб, бањите се обложени со мермер, а кујнските плочи се изработени од вулкански камен. На семејството Ѓоковиќ на располагање му се базен, спа центар, библиотека и приватен парк. Зградата е проектирана од страна на славниот Ренцо Пијано.