Новиот дом на Бијонсе и Џеј-Зи

Тие заедно го купиле нивниот нов дом во Њу Орлеанс. Бред Пит и Анџелина Џоли ја продале својата вила во француски стил во Луизијана, а Бијонсе и Џеј-Зи инвестирале во неа 2,6 милиони долари. Оваа вила се наоѓа во „Гарден дистрикт“ во Њу Орлеанс, а некогаш била презвитерианска црква, изградена во 1925 година. Исто така, во еден период, била и балетско училиште. Нивниот нов дом има површина од околу 1.500 м2, високи тавани и три приватни апартмани од 100 м2, кои се простираат на три ката.

Тука се наоѓаат вкупно дваесет и две соби, вклучувајќи седум спални соби и осум бањи, елегантна и префинета трпезарија, дневна соба за примање на гости, како и голема библиотека со полици за книги од подот до таванот. Главниот апартман во оваа вила има пространи гардеробери, додека бањата се состои од антички дрвен мијалник, када и посебен туш. Овој имот има зелен покрив на којшто е засадена трева и се користи како двориште.