Порта3 – градежништво, архитектура и екологија Порта3 – градежништво, архитектура и екологија
На две локации во Општина Аеродром се прават нови паркови.
Нова зелена површина се гради на булеварот Трета македонска бригада спроти Американ колеџ. Паркот ќе биде хортикултурно уреден со дрвја, патеки и нова урбана опрема.
“Набргу општината ќе биде збогатена со нови паркови на повеќе локации. Наш приоритет е подигнување што поголем број зелени површини“, велат од Општина Аеродром.
Стар Аеродром наскоро ќе биде збогатен со нов парк што ќе се протега покрај улицата Методија Шаторов-Шарло.
Урбаниот парк, на површина од 3.200 квадратни метри, ќе понуди зелени површини, пешачки патеки со клупи, плато со маси и клупи, како и детско игралиште.
Во наредниот период во Општина Аердром се планира изградба на повеќе урбани паркови на различни локации на ниво на целата територија.
