Нова зграда во Лисабон го врати стариот аквадукт во прв план

Лисабон е полн со историја, но и со изненадувања. Така, на пример, аквадуктот Galeria da Esperanca бил изграден во португалската престолнина во 18 век, кој во меѓувреме е речиси целосно скриен од бројни градби.

Меѓутоа, има иницијатива за заштита на овој споменик на културата и вредно архитектонско наследство, а во рамки на ова вклучен е и проектот на архитектите од бирото Antonio Costa Lima Arquitectos.

Имено, проектот вклучувал уривање на постојниот магацин што го блокирал аквадуктот и изградба на нова станбена зграда што го става во преден план.

Историскиот урбан контекст бил почитуван со подигнување зграда со минималистичка и ненаметлива фасада. Разиграноста на фасадата е постигната со наизменична фенестрација и различна материјализација на балконот.

На западната фасада, веднаш до самиот аквадукт, зградата се отвора многу суптилно, пишуваат архитектите за ArchDaily. Постепена дематеријализација во западната насока е постигната преку фасадното решение.

Според таа идеја, аголот на зградата во овој дел има воспоставен вертикален ред на тераси, и со ова решение на зградата и се дава лесен изглед кој ја нагласува урбаната средина западно од локацијата.

На источната страна, фасадата е поблиску до традиционалниот дизајн и во овој дел доминираат прозорци во крута вертикална матрица.

Избраните материјали, како што се керамичките плочки и фасадната облога во крем боја, го одразуваат опсегот на материјали во Лисабон.

Оваа петкатна зграда има и едно подземно ниво, а зградата содржи пет апартмани со многу слична просторна организација.