Нова зграда на место на поранешна железничка станица во Париз

На местото на поранешната железничка станица, во 18 -та област во Париз, на североисток од градот, две станбени кули сега се поврзани со база, која функционира како мешан станбен простор. Повисоката кула G2 е проектирана од компанијата Jacques Moussafir , додека студиото Nicolas Hugoo било задолжено за развојот на долната кула G1, пишува Dezeen. Она што е специфично за овој проект е тоа што на станарите им се нуди простор за работа покрај домот.

Тимот архитекти проектирал две меѓусебно поврзани кули, користејќи првенствено дрво, стакло и бетон, и како резултат на тоа, биле реализирани вкупно 105 станови.

Според главниот план на La Chapelle International, кој зафаќа околу седум хектари земја, било потребно да се воспостави еден подиум, кој архитектите го проектирале како основа на две нивоа од каде извираат двете кули. Овој простор содржи 18 помали работни простори „завиткани“ со транспарентна метална мрежа што овозможува отворање на просторот. Подиумот на ниво на улица содржи заеднички области за двете кули, како и две продавници.

Иако станбените кули претставуваат малку поголема естетска варијација во споредба со основата, во исто време тие добро се вклопуваат со остатокот од програмската шема.

Хибридните SOHO (Small Office Home Office) простории, кои покрај станбените простории содржат и мали работни спби, се наменети за сите оние кои сакаат да работат од дома.

Целта на концептот SOHO е да ги обедини деловните и станбените простори. Секоја единица има деловен влез свртен кон улицата и приватен пристап од заедничката област во централниот дел на блокот. На повисоките катови, единиците SOHO се распоредени околу шест полу-приватни тераси, овозможувајќи да тече доволна количина дневна светлина.

Асортиманот на материјали, кој покрај дрвото, стаклото и бетонот, содржи и челични и алуминиумски површини, создава кохезивна, индустриска естетика.

Петтата фасада е замислена како нова „метална обвивка“ направена од перфориран, ребрест алуминиум што создава двокрилни покриви на места или е откажана, со цел да се создадат дворови и тераси обложени со галванизирана челична решетка.

Станбената зграда G1 е проектирана со идеја да оди лесно и отворено кон градската средина, за што придонесуваат испакнатите балкони со отворен поглед.

Зградата е организирана околу компактно кружно јадро, со технички простори организирани поблиску до централниот дел, додека периметарските делови се оставени за дневни соби и спални соби.

Втората кула, наречена G2, се карактеризира со кубни пропорции, а на секој од катовите има организирано по шест апартмани.

Како и за кулата G1, живеалиштата се наоѓаат во периметарската зона, со цел да се обезбеди што е можно повеќе природна светлина и да се воспостави јасен поглед на околината.