Порта3 – градежништво, архитектура и екологија Порта3 – градежништво, архитектура и екологија
Општина Илинден почна со градежните активности за реализација на проектот „Изградба на пешачко-рекреативна патека Марино-Кадино“ во должина од 1.500 метри.
Како што информираат од општината, покрај пешачка патека, ќе се изгради и велостипедска патека, патека за ролерки и скејтборди, ќе се постават реквизити за спортување и рекреација, урбана опрема и ќе се изврши уредување на зелени површини во должина на патеката.
Инвестиција за овој проект што се реализира преку Програмата за рурален развој на Владата на Република Македонија, изнесува 14.5 милиони денари.
Новата пешачко-рекреативна патека, ќе ги поврзе населените места Илинден, Марино и Кадино, кои вкупно бројат повеќе од 10.000 жители.
