Нова колекција на Joana Vasconcelos за Roche Bobois

Roche Bobois ја продолжува креативната соработка со португалската уметница Joana Vasconcelos.

Неделата на дизајнот во Милано стана идеална сцена за да се раскаже приказната за разиграната и непредвидлива личност на скулпторката, која мајсторски го реинтерпретира savoir-faire на француската куќа – од колекцијата на софи BomBom за екстериери до инсталации креирани за водечката продавница на Roche Bobois во Милано.

„Секојдневниот живот е мојот главен извор на инспирација“, вели Joana Vasconcelos. „Мојата работа е направена од секојдневни елементи и материјали. Како Португалка, материјалите на мојата култура се од суштинско значење – азулејо што ги покрива ентериерите и екстериерите на нашите згради или хеклани парчиња кои се наоѓаат во секој португалски дом за покривање на софи, маси или телевизори. За мене, оваа колекција, во соработка со Roche Bobois, претставува совршено партнерство помеѓу уметноста, дизајнот и животот“.

BomBom Outdoor е нова колекција на софи, килими и перничиња, со брановидни и органски форми дизајнирани за живот на отворено. Палетата на бои упатува на пастелните фасади на старите лисабонски куќи, нијанси кои се стопуваат со зајдисонцето. Исклучителна карактеристика на колекцијата е асортиманот на софи, со независни потпирачи за грб што може да се прилагодат за персонализирана удобност додека читате и се релаксирате. Овие иновативни и модерни дизајни нудат високо ниво на луксуз и удобност за животни простори на отворено.