Нова генерација OLED светилки

Потрошувачката на енергија е еден од најголемите предизвици на современото живеење. Препораките за заштеда на енергија се веќе општо познати: подобрување на топлинската изолација на објектите, користење на ефикасни електрични апарати, но и енергетски ефикасно осветлување. Во продолжение ви презентираме едно ново решение од областа на ефикасното осветлување кое доаѓа од Канада. LED технологијата веќе одамна не е никаква новост. Новост е концептот на OLED светилки кои содржат и слој од органски молекули сместени помеѓу две електроди. Разликата помеѓу LED и OLED технологијата е во тоа што кај првите изворот на светлина е точкест, а кај вториве е распространет на голема површина.