Нова црвена траса низ паркот Qinhuangdao

Примарниот предизвик за архитектонското студио Turenscape ја опфаќа желбата за задржување на природното опкружување долж реката низ паркот Qinhuangdao во Кина, истовремено креирајќи нови катчиња за рекреација и енвиронменталистичка едукација. Црвената траса е дизајнирана како живописен елемент кој се протега низ зелената вегетација и водната површина низ паркот, постепено следејќи ги денивелациите на теренот. Како целина, дефинирана е од три сегменти, површина за пешачење, осветлување и зони за седење.

Пет павилјони во форма на облаци се исто така дистрибуирани долж трасата, создавајќи заштита од силната сончева светлина, функционирајќи како места за средба, визуелни фокални точки и како површини на кои се поставени интерпретативни плочи. На рамните запуштени полиња, пак, како прекривки се појавуваат бела, жолта, сина и виолетова градина.

Сјајната црвена нијанса на трасата го осветлува и истовремено го заживува овој густо озеленет простор, поврзувајќи ја природната вегетација и четирите цветни градини. Трасата функционира како структурален елемент кој ги реорганизира сегментите на претходно несочуваниот и непристапен предел. Со нејзиното поставување, урбанизацијата на опкружувањето се одликува со драстичен прогрес, приспособувајќи ги барањата и потребите на локалните жители, а истовремено задржувајќи ги еколошките процеси и природното опкружување заштитени и неуништени.