Нов руски терминал за ТПГ

Во Ленинградската област во Русија се планира изградба на извозен терминал за течен природен гас. Главни инвеститори се руската банка Gazprombank  (во сопственост на компанијата Gazprom) и финската компанија Gasum. Проектот ќе чини вкупно околу 317 милиони евра, а треба да биде завршен до 2017 година. Терминалот ќе произведува и испорачува 660.000 тони ТПГ годишно, а крајното одредиште за овие количини гас се планира да биде во Шпанија, Португалија, Велика Британија, Јужна Америка и Индија. Конечната одлука за изградбата на терминалот ќе биде донесена ова лето, јавува рускиот портал ‘Oil and Gas Eurasia’.