Нов робот на тркала на Hyundai

Јужнокорејската компанија Hyundai го претстави подвиижниот робот кој може да носи различни работи. Станува збор за роботот MobED, кој има четири тркала, долг е 67 и широк 60 cm, а неговите тркала се контролираат со помош на три мотори. Централната платформа може да се прилагодува на аголот на носење на товарот. За што точно е наменет овој робот е отворено прашање. Hyundai го нарекува подвижна платформа која сака да им ја продава на индустриските партнери, кои би го адаптирале за различни намени. Цената сеуште не е позната. MobED би можел да стане и персонален caddy, и самостојно да превезува пакети и купени намирници. Идните верзии би можеле да бидат доволно цврсти и моќни за да пренесуваат и луѓе (стари и немоќни лица). Максималната брзина изнесува 30km/h, а едно полнење на батеријата е доволно за четири часа работа. Како попрецизно навигира во просторот, засега не е познато. Од Hyundai не споменуваат сензори, камери и радари, како и софтвер за автономно движење. Hyundai не е единствен производител на автомобили кој влегува во оваа област, бидејќи и Toyota и Honda исто така инвестираат и развиваат машини кои еден ден би можеле да се користат во домовите за стари лица, или како персонални средства за движење. Самовозечката технологија напредува, а MobED е само уште еден пример за тој тренд.