Порта3 – градежништво, архитектура и екологија Порта3 – градежништво, архитектура и екологија
На местото на некогашниот Геолошки завод во центарот на Скопје ќе се гради нов административен објект во кој ќе се сместат Државниот завод за ревизија, Геолошкиот завод и Акционерското друштво за изградба и стопанисување со станбен и деловен простор.
Планираниот административен, деловен и комерцијален простор ќе биде со површина од 8.027 метри квадратни, ќе чини 431.408.000 денари или околу 7 милиони евра.
Објектот треба да биде завршена во рок од 24 месеци.
Службата за општи и заеднички работи на Владата ја одбрала понудата на градежната компанија „Бауер БГ“ меѓу петте доставени понуди на тендерот за изведба на градежните и градежно – занаетчиските работи.
Објектот ќе се состои од приземје и шест ката и ќе биде висок 25 метри. Стручниот надзор над градежните активности ќе го реализира фирмата „Евро Консалтинг“ од Скопје, која ќе добие 4.134.720 денари за извршената работа. Идејниот и основниот ревидиран проект за оваа зграда го подготви бирото „Архитектоника“ од Скопје, според идејното решение на Жарко Чаушевски.
