Нежно извиткани форми на новиот музеј на Заха Хадид

Познатата архитектка Заха Хадид го заврши својот најнов проект за музеј со локација на Алпите, поточно на врвот Mount Kronplatz. По барање на сопственикот на музејот, алпинистот Reinhold Messner, во музејот ќе бидат изложени предмети, слики и алат со цел да се раскаже неговата приказна. Хадид во својот проект галериите ги сместува во подземното ниво, додека приземејто го трансформира во платформа која нуди одлични погледи кон планинската околина. Специфичниот дизајн се заснова на нежно извиткани форми изработени од стакло и армирано-бетонски влакна кои се делумно поткопани под карпестиот предел.