Невообичаена зграда со фотографија на фасадата

Центарот на Мелбурн може да се пофали со навистина извонредна градба. Оваа структура во себе комбинира фотографија, архитектура и уметничка инсталација, кои отвораат дијалог со минувачите на јазик типичен за современата уметност. Зад ова креативно здание стои идејата на австралиската фотографка Саманта Евертон, која во соработка со архитектите од колективот KUD architects го реализирале овој современ станбен простор.
Фасадата на зградата ја краси голема фотографија од серијата наречена Vintage Dolls која прикажува две девојки, и на тој начин идеално се вклопува во визурата на градот со традиционален стил.

Стаклениот екстериер е покриен со големата фотографија која е врамена со бетонски „тапет“ и со интересна релјефна шема. Интересен елемент е и големото светлечко тело кое наликува на декоративни ламби што најчесто ги среќаваме во ентериерите на дневните соби, а самото светло прекрасно ја осветлува интересната фасада.