“Net Zero” населба во Бостон

Бостон стана побогат за една “Net Zero” населба (населба во која се произведува целокупната потребна енергија). Користени се најнови технологии, соларна енергија, системи за собирање на дождовница, зелени покриви и прозорци со тројно застаклување. Архитектите од студиото “Interface Studio”  се автори на проектот  кој е носител на LEED Платинест сертификат.

Идејата е на овој начин да се  популаризираат нискоенергетските и “Net Zero” објекти во Бостон. На покривот се поставени вкупно 39 соларни панели, кои можат да произведат 10.000 kWh годишно. Сите објекти се проектирани согласно “Passivhaus standard” и произведуваат доволно енергија за сопствените потреби. Сите куќи од овој проект се триспратни, имаат три спални соби и две бањи. Куќите имаат дворови и огромни тераси.

Интересно е да се истакне дека сите апарати за домаќинство се со висока енергетска ефикасност, а исто така водено е сметка и за рационална потрошувачка на водата. Дури и билките посадени во дворот се отпорни на суша.