Неопходни се сериозни инвестиции во електроенергетската мрежа, за да се реализира енергетската транзиција

Норвешката компанија Rystad Energy, која се занимава со ситражување и собирање на податоци релевантни за работењето во сферата на енергетиката, предупреудва дека на светот се потребни уште 18 милиони километри електроенергетска мрежа. Оваа проценка е поврзана со покривањето на електрификацијата која се спроведува ширум градовите, регионите и континентите. Опфаќа и капацитети за производство на електрична енергија од обновливи извори, како и забрзаното воведување на електрични возила.

„Развојот во областа на обновливите извори на енергија се одвива со огромна брзина, па само во оваа година на нови капацитети ќе бидат потрошени 644 милијарди долари. Но, застарената и неадекватна мрежа може да се покаже како сериозна препрека во реализацијата на енергетската транзиција. Инвестициите кои глобално се неопходни до 2030 година за развој на мрежата се проценуваат на исто ниво со вредноста на БДП на Велика Британија.