Неодолива викендица на 3.200 метри надморска височина

Стрмната падина на планираната парцела го навела архитектот Хуан Естебан Руалес Ласо до една од првите и примарни решенија, да постави куќа од 170 метри квадратни наречена Пашохоа во Еквадор, спротивна на правецот на падината на теренот. Оваа одлука резултирала со сечење на теренот и формирање платформа што дополнително овозможило развој на проектот во согласност со желбата на клиентот „да пука“ поглед на околината од секоја просторија.

Со цел да се отвори погледот кон околината што е можно повеќе, едноводниот покрив се спротивставува на правецот на паѓање на околниот терен.

Концептот на дизајнот на куќата се заснова на комбинирање на современи материјали, како што се челични и бетонски блокови со традиционален камен, како и дрво, тула и керамички плочки, пишува архитектот за ArchDaily.

Со комбинирање на материјалите, куќата го добила потребниот модерен изглед со сите стандардни удобности, но хармонично е комбинирана со традиционалната архитектура на околината. Всушност, се создадла совршена хармонија меѓу природата и архитектурата.

Архитектонската програма е развиена преку отворена концептна шема, каде просторите се поставени надолжно низ централниот коридор.

Покрај спалните соби и бањите, сите други простори се целосно отворени и заеднички, со цел да се направи куќата послободна и да се зголеми употребата на просторот.
Ограничениот буџет ја условувал големината на куќата, но тоа сигурно не го има намалено квалитетот на архитектурата и атрактивната естетика на просторот.