Необична фасада со интегриран природен клима уред

Фасадата на управната зграда на компанијата  Sony  опремена е со еден несекојдневен елемент – природен клима уред. И тоа наменет за околината, а не за самиот објект. Јапонските инженери смислиле решение против неподносливите жештини на улиците. Системот Биоскин се состои од решетки составени од цевчиња низ кои испарува дождовницата и така го лади околниот простор.

Биоскин може да ја намали температурата на фасадата за 7 степени, како и надворешната температура во оклината на објектот за 1 степен. Кога цел блок згради би имал ваков концепт за фасадите, температурата на воздухот во оклината би била навистина пријатна.

Овој систем за прв пат е применет на управната зграда на компанијата Sony во Токио.