Неколку прекрасни мостови кои спојуваат различни држави

Во овој текст не станува збор за најголемите, најспектакуларните или најскапите мостови. Станува збор за мостови на различни географски подрачја кои имаат најмалку една заедничка карактеристика – спојуваат различни држави.

1. Ambassador Bridge – САД/Канада

Спојувајќи ги Детроит и Виндзор, Ambassador Bridge е всушност најфрекфентниот граничен премин во северна Америка. Пресметано е дека околу 27% од целокупната размена помеѓу двете држави с еодвива преку овој мост. Долг е 2300 метри и не е единствениот мост кој ги спојува САД и Канада.

2. Øresund Bridge – Данска/Шведска

Овој мост овозможува и патен и железнички сообраќај. Ги спојува Копенхаген и Малме. Има должина од 7845 метри и е најдолгиот комбиниран (патен и железнички) мост во Европа.

3. New Europe Bridge – Бугарија/Романија

Уште еден мост за комбиниран сообраќај (патен и железнички) кој минува преку реката Дунав. Ги поврзува Видин и Калафат. отворен е во 2013 година, и е втор мост кој ги поврзува двете земји преку Дунав. Има должина од 1971 метар.

4. Victoria Falls Bridge – Зимбабве/Замбија

Во близина на величествените Викториини водопади, овој мост е наменет за патен и железнички сообраќај, но и за пешаци. Ги поврзува Викториините водопади во Зимбабве со Ливингстон во Замбија. Има должина од 198 метри и височина од 128 метри над реката Замбези. Неговата изградба траела една година, а отворен е во 1905 година.