Некогаш одморалиште за холивудски ѕвезди, денес град на духови

„Varoshа“ е туристичко предградие сместено на Кипар, и важи за едно од најатрактивните места на светот. Овој идиличен предел со години бил дестинација за одмор на богатите и славните, а познато е дека бил омилено место на глумиците Елизабет Тејлор и Брижит Бардо.

Но, по 1974 година работите драстично се менуваат, откако местото го напуштиле 40.000 жители веднаш по турското заземање на тој дел од Кипар.

Поради тензиите помеѓу грчкиот и турскиот дел на островот, на поранешните жители сега им е забранет пристапот во некогаш луксузното одморалиште, а оградата со која е заобиколено во еден дел навлегува дури и во морето.

Денес, одморалиштето е прекриено со густа вегетација, но песочните плажи и кристално чистата вода изгледаат подеднакво привлечно како некогаш. „Varoshа“ денес потсетува на град на духови, а сите поранешни фасцинантни објекти полека се распаѓаат.