Научниците развија роботски риби кои ја голтаат микропластиката

Роботските риби кои „јадат“ микропластика, би можеле еден ден да помогнат во чистењето на загадените океани, тврди тимот кинески научници од Универзитетот Сечуан во југозападна Кина. Тие развиле 1,3 сантиметри долги роботи кои веќе успешно ја отстрануваат микропластиката во плитките води. Целта на кинеските научници е да овозможат собирање на микропластиката во длабоките води и да пружаат информации за анализа за загадувањето на морињата во реално време.

Црната роботска риба е мека на допир, а научниците можат да ја контролираат со помош на светло со цел да избегнат да удри во други риби или бродови. Ако случајно биде изедена од друга риба, може да се свари без да направи штета бидејќи е направена од биокомпатибилен полиуретан. Рибата е способна да апсорбира штетни материи дури и кога е оштетена.