Научници во Барселона развиле алгоритам кој предвидува најефикасен третман за канцер

Алгоритмот кој го развиле стручњаци од Институтот за истражување на биомедицина (IRB) и Центарот за геномска регулација (CRG) во Барселона, може да предвиди кои лекови ќе бидат најефикасни за лечење на генетски болести и рак. Истражувањето е објавено во часописот Nature Genetics. 

Развиениот предиктивен компјутерски модел е алат за јавна употреба под името RTDetective и овозможува забрзување на дизајнот, развојот и ефикасноста на клиничките испитувања за широк спектар на нарушувања преизвикани со мутации во ДНК, кои предизвикуваат синтеза на скратените или нецелосни протеини. Имено, нецелосните протеини настануваат кога синтезата ненадејно ќе биде прекината заради „бесмислени мутации“, кои делуваат како сигнал за нивно блокирање. Во многу случаи, овие нецелосни протеини не можат да ја извршуваат својата функција и тоа доведува до различни пореметувања. Една од пет болести предизвикана од мутациите во еден ген, е поврзана со некомплетни или недовршени протеини, вклучувајќи и некои видови цистична фиброза и мускулна дистрофија. Овие сигнали се доведуваат во корелација и со туморите.