Направете лековита градина во домот

Ако сакате да готвите и да јадете здраво, создадете мини градина во вашиот дом со вашите омилени билки и имајте свежи и ароматични додатоци кога и да ви требаат.

Дури и во мали станови, можете да одгледувате украсни и вкусни билки и да имате органски растенија во текот на целата година што ќе ги зачинат вашите кулинарски вештини. Ако во домот резервирате агол за одгледување на овие билки, ќе уживате во нивното одгледување и плодовите на вашата креативност.
Одгледувањето зачини е всушност многу едноставно. Потребни се само мали саксии и нивното постолје, почва, хумус и малку добра волја. Можете, исто така, да ја искажете вашата креативност со правење и украсување садови и полици за нив.

– Идеално место за саксии се сталажите поставени веднаш до прозорците или работ на прозорците.
-Ако планирате да одгледувате растенија од семе, следете ги упатствата дадени од производителот.
-Бидете сигурни дека секогаш имате чисти садови, за да болестите не се пренесуваат меѓу растенијата.
-Секогаш обезбедувајте им доволно светлина, особено на младите растенија, но не изложувајте ги долго на директна сончева светлина, бидејќи овие растенија генерално не ги сакаат.
– Секогаш проветрувајте ја просторијата добро и наводнувајте ги растенијата доволно, но проверете дали почвата не е премногу влажна за да не изгние.
-Некои од билките што можете да ги одгледувате во домот се босилек, рузмарин, жалфија, нане, оригано и магдонос.