Најновите трендови на саемот за керамика во Валенсија

Шпанија традиционално е врзана за керамиката, па така во периодот од 9 до 13 март во Валенсија е одржан саемот за керамика и санитарии Cevisama 2015, на кој биле изложени бројни шпански и светски керамички брендови кои и оваа година ги претставија најновите трендови во производството и употребата на керамичките плочки.

Главен тренд и оваа година се керамичките плочки со големи димензии, со природни бои и текстури, а ним им пркосат плочките со мали димензии, кои се шаренолики, со бројни детали и бордури.

Како значајни трендови може да се наведат сјајните подни плочки со големи димензии, плочки со шестаголни форми, т.н. метро плочки со висок сјај кои своевремено биле најупотребувани во подземните железници поради тоа што добро ја рефлектирале светлината, а сега ја наоѓаат својата примена и во бањата и во кујната. Во тренд е, исто така, и т.н. mix&match стил кој вклучува комбинирање на плочки со различна боја, текстура и големина од иста колекција, со што се добива завршна презентација која е оригинална и уникатна.