Најголемиот базен во светот кој повеќе личи на океан

Во хотелски комплекс во Чиле се наоѓа најголемиот базен во светот, кој повеќе личи на океан отколку на базен.

Имено, приватниот ресорт „Сан Алфонсо де Мар“ во Чиле е дом на најголемиот базен на планетата. И тоа не е само претпоставка, но факт, со оглед на тоа што истите податоци се наоѓаат и во Гинисовата книга на рекорди.

Базенот има вкупна должина од нешто повеќе од еден километар, зафаќа површина од околу осум хектари, а содржи вкупно 66 милиони литри филтрирано море од Тихиот Океан, и максимална длабочина од 35 метри.

Исто така, постои можност за спортување, како што е скијање на вода. Сепак, најимпресивен податок е оној што се однесува на големината – базенот е голем како шест илјади стандардни базени.

Посебен шарм на целиот базен дава неговата тиркизна боја, а температурата на водата е 26 степени, така што тука е многу поудобно и побезбедно пливањето отколку во океанот.

Базенот е отворен во 2006 година, точно пет години по изградбата, а за целиот проект се потрошени меѓу 1,5 до 2 милијарди долари.