Најголемата ветерна фарма во светот ќе се гради во Велика Британија

Во Велика Британија, Владата даде зелено светло за изградба на најголемиот  ветроенергетски проект во светот. Проектот  Dogger Bank Teeside A и B, подразбира 400 турбини поставени во два  offshore  ветерни паркови со вкупна инсталирана моќност од 2,4 GW, што е доволно за снадбување со електрична енергија на  1,8 милиони британски домаќинства. Ветерната фарма чии инвеститори се германскиот  RWE , британскиот SSE и норвешките гиганти Statoil и Statkraft  ќе се смести на површина од 600 км2, на растојание од  125 до 290 km  од североисточниот брег на Британија. Проектот вреди 12,5 милијарди американски долари, а почетокот на експлоатацијата е предвиден за 2022 година. Најголемата постоечка ветерна фарма се вика London Array и има моќност од  630 MW.