Најголемата „невидлива“ зграда на светот, која до 2030 година би можела да стане мегахит

Неправедно занемарената Ал-Ула е дома на древни локалитети, историски споменици и неверојатни природни чуда, а зградата во која с еогледува пустината е само едно од низата ремек дела. Големите стаклени плочи во кои се отсликува околниот пејсаж на Ал-Ула во саудискиот регион Медина, даваат привид за надреално и го тераат набљудувачот да се запраша дали станува збор за фатаморгана. Но, за таквата слика не е крива пустинската жештина, туку станува збор за зграда која е запишана во „Гинисовата книга на рекорди“, како најголемата зграда од огледала на светот, која има површина од 9740 квадратни метри.

Зградата на повеќенаменската концертна сала Maraya, од огледално стакло, е осмислена на тој начин што ја отсликува и ја истакнува убавината на пустината, а нејзиното име на арапски значи „огледало“. Целта на властите е до 2030 година да привлечат значителен број туристи, а секако оваа зграда е еден од адутите. Зградата е дело на миланската компанија Gio Forma. Досега објкетот е користен за снимање на филмови и реклами на популарни брендови како Rolls-Royce и Cartier.