Најголем и најефикасен авион на светот

Подготвен е да биде најголемиот патнички авион во својата класа – неговиот распон на крилата е токав што врвовите мораат за се „прекршат“ за да ги собере на аеродромот! Се работи за  „боинг 777-9Икс” (Boeing 777-9X), чие производство треба да почне во 2017. година, а веќе се  нарачани 320 авиони.

Ќе се одликува со поширока патничка кабина и поголеми прозорци во споредба со конкуренцијата. Распонот на крилата е 71,8 метри. Делот кој се превиткува ќе биде долг 365 сантиметри, а посебни системи за заштита ќе оневозможат нивно свиткување во текот на летот.

Капацитетот на патници е 400 луѓе, односно 34 повеќе од конкурентскиот   „ербас А350-1000“. Се работи за најголемиот и најефикасниот авион со два мотори на светот, без конкуренција во поглед на било кои перформанси, стои во соопштението на компанијата.