Најдоброто од хрватската архитектура за 2014

Здружението на хрватски архитекти (UHA) ги објави номинациите за годишните награди.

Во склоп на изложбата на архитектонски реализации кои традиционално се одржуваат на крајот на годината (со исклучок на ланската), во декември Стручниот совет на UHA ги објави најдобрите архитектонски проекти номинирани за награди во четири категории и награди за животно дело, како поттик за создавање во областа на архитектурата, урбанизмот и дизајнот, но и како поттик за јавна афирмација на мислата и делата на хрватските архитекти.

Оваа година се направени 63 авторски остварувања, а категориите ги валоризираше Стручниот совет, при што се донесени следните одлуки:

• Наградата „Виктор Ковачиќ“ за животно дело е доделена на проф. Драгомир-Маји Ваховиќ, дипл.инж.арх.

• За наградата „Виктор Ковачиќ“ – за најуспешно остварување во сите подрачја на архитектурата за 2014 година, номинирани се:

1. Резиденција Histria Aromatica во Пижановац (автори: Марин Микелиќ, Хрвоје Видовиќ и Томислав Вреш)

2. Плажа “Mulini” во Ровињ (автори: 3LHD)

3. Образовен комплекс Кајзерица-Загреб (автори: Ведран Педишиќ, Емил Шпириќ, Ерик Веласко Фарера, Хуан Хозе Нунез Андраде)

• За наградата „Драго Галиќ“ за најуспешно остварување во областа на станбената архитектура за 2014 година, номинирани се:

1. Вила Гумно во Крк (архитектонско биро „Турато“)

2. Olive House во Новаља (автори: Теа Хорват и Радован Шобат)

3. Куќа во Риека (автори: Петар Мишковиќ и Вања Ристер)

• За наградата „Bernardo Bernardi“ за најдобро остварување во областа на обликувањето и внатрешното уредување за 2014 година, номинирани се:

1. Археолошкиот парк “Principij” во Риека (автор: Ненад Фабијаниќ)

2. Постојаната поставка Антика во Археолошкиот Музеј во Задар (автори: Ива Летиловиќ и Игор Педишиќ)